【賀胡琳結婚】孖敏之獻吻 唐詩詠被網民催婚：跟住就到妳喇

38歲歌手胡琳被爆與圈外男友低調結婚，她婚後繼續投入無綫劇集《解決師》拍攝，獲同劇的唐詩詠及陳敏之祝賀。

唐詩詠在社交網上載與敏之向胡琳獻吻的照片，留言替胡琳開心，寫道：「第一次見呢位女士，係喺課堂上，記得嗰一日我哋要喺台上面扮走秀的模特兒，平時斯斯文文嘅佢，喺台上面變得非常瘋狂調皮，原來真正的她是多麼的可愛，我當刻便愛上了！很開心你展開人生另一頁，能夠娶到你的那個人非常幸運，佢餘生都一定不會感覺到沉悶，每一刻都會充滿着驚喜，祝你呢個可愛人妻幸福快樂到永遠！」網民趁機催詩詠快些搵到真命天子：「跟住就到妳喇！」

（即時娛樂）