香港估估吓：《鐵將縱橫》邊個火功最勁？

農曆七月，相信呢幾日大家都經常見到有街坊燒街衣，亦可以見到有盂蘭勝會完給之後焚燒衣紙以及將行「化大士王」儀式，每每都見到火光熊熊喇！提到烈火，就不得不提到經典港漫《鐵將縱橫》當中嘅超級高手烈火太祖啦！與九天雷祖以及忘情老祖合稱為武林三祖，乃係書嘅一代武林傳奇。烈火太祖形象充滿威嚴，性格亦如其名剛烈非常同時深具為國為民偉大情操，對徒兒柴榮亦又愛護有加，而其自創嘅武功「烈火神功」則可徒手運出嘅火勁足以煮金熔鐵，勁過史堤芬周用嚟煎蛋嘅少林絕學火雲掌！後來烈火太祖用天外奇金，打造出可以乘坐又可以作攻擊手段嘅飛碟型兵器─天外星孛，並用利其異能吸納地心之火為己用，創出「地火混元勁」，喺該時代武林當中可謂罕逢敵手，只係僅僅輸畀勁到無倫嘅九天雷祖。