與AL合體開騷惹神徒不滿　呂爵安親自回應

男團MIRROR成員呂爵安（Edan）今日（5日）在旺角出席香水活動，吸引大批粉絲應援，相當受歡迎。收藏有不少香水的他被問到可有送給緋聞女友林明禎？他說：「除咗送畀阿妹，好似冇乜送過畀其他異性。」

Edan最近是個幸運兒，為宣傳主演的賀歲片《金多寶》買六合彩，赢了$80元橫財，攞個好意頭，他笑言：「有條飛中咗3個字，總共赢咗$80，自己其實冇買六合彩嘅習慣，係近排宣傳先至買。」他又指如果有日中頭獎，會投桃報李，回饋投資給翁子光導演開戲。

講到邱士縉（Stanley）宣布與女友李炘頤（Alina）訂婚，Edan則笑言：「好早已經知，《全民造星》已經知，所以保守咗個秘密好耐。」但Edan透露原來他未曾為朋友做過兄弟，會否獻出「第一次」要看Stanley會否邀請。問到甚麼時候輪到他成家立室？Edan則笑言：「啱啱先同小儀搞緊離婚手續，唔好咁快喇。」

Edan與Anson Lo當年憑劇集《大叔的愛》，「登神」CP大受歡迎，兩人將於4月在澳門合體開騷，卻引起粉絲不滿，有「神徒」不忿AL並非Solo演出揚言罷睇，亦有網民直斥其公司行銷策略失當，紅極時不合體開騷，錯過時機。Edan則說：「首先呢個係客戶嘅邀請，冇話遲唔遲，同Anson Lo係好好嘅朋友，好開心有機會同兄弟一齊表演，老實講機會都唔多，出道咁多年，兩個一齊合作表演都唔多，今次仲要一齊做演唱會，所以係珍惜，唔知仲有冇機會兩個一齊開騷，把握當下，係一個好回憶。（點解咁遲先合體？）要問點解客戶咁遲先邀請我哋，哈哈。（有AL粉絲話罷睇？）大家去選擇鍾意睇嘅嘢，冇得強迫，亦都絕對有鍾意嘅人想睇。（公司畀人鬧爆合體太遲，策略失策？）遲好過冇，同埋今次唔係公司去搞嘅，嚴格嚟講公司都未搞，哈哈。（咁要再合體多次？）睇反應囉，我唔知呀。」

講到師弟男團ZPOT最近成軍，他直言十分喜歡一班師弟，覺得他們十分勤力，比起MIRROR當初更有火，覺得他們跳舞無可挑剔，相當比心機，也不覺得他們會搶去公司資源，因為大家所需的機會不同，他說：「今年公司喺自己身上嘅資源冇少到，反而仲出多咗歌，大家同公司，一齊壯大就更加好。」

東網網站 : https://on.cc/東網Facebook專頁 : https://www.facebook.com/onccnews/