「樂天女孩」又有人走！E奶張語芯忍痛告別9年情

台灣啦啦隊競爭向來激烈，而「樂天女孩」繼早前主將林襄宣布離開，日前又再宣布加盟9年，有住32E傲人上圍嘅張語芯離開，消息一出令唔少粉絲唔捨得。

做咗9年啦啦隊嘅張語芯，對於離開一事亦喺社交網晒出多張點滴回憶相，並感嘆道從Lamigo時期一直到樂天桃猿，一切嘅蛻變都陪住佢一齊成長，對此深感榮幸外，更透露自己私下其實喊咗好幾次，但因為深信天下無不散之筵席，所以終有一日大家會再相遇。至於離開「樂天女孩」嘅原因，張語芯希望外界唔好加以揣測外，仲希望大家可以祝福及支持佢，並向粉絲承諾以後有時間會返去睇比賽。

隨着消息曝光，唔少粉絲都留言表達不捨之情：「祝福語芯未來的日子，持續發光發熱，做任何事都為你加油！」、「加油唷，歡迎多回來球場看大家！」另外，亦有理性粉絲支持張語芯退出：「語芯人氣不高，會想換跑道是正常的！」

東網網站 : https://on.cc/東網Facebook專頁 : https://www.facebook.com/onccnews/