柳應廷被隊友稱「傻闌」　做漫畫助手畫龍變畫蟲

MIRROR成員柳應廷（Jer）早前因為將歌名《夜闌人靜》誤寫成粗口字而鬧出笑話，早前其隊友呂爵安（Edan）、盧瀚霆（Anson Lo）、邱士縉（Stanley）和李駿傑（Jeremy）為他慶生，在蛋糕旁寫上「傻闌生日快樂」，更大唱「Happy Birthday to 傻闌」。不時爆出搞笑事的Jer，在ViuTV節目《四鏡大暴走》中，與Ian跟本地漫畫家Man僧做一日小助手，亦繼續鬧出不少笑話。

Man僧為了解Jer和Ian的漫畫基礎能力，先要求二人畫出「自己心目中的一條龍」。自稱零基礎的Jer對於自己的作品笑指：「我畫到成條蟲咁樣呀講真，龍頭蛇尾呀呢個係。」不過Man僧卻認為Jer畫畫夠開心：「其實畫嘢夠開心呢，係畫漫畫一個啱啱吸引人嘅第一步方法嚟。」至於Ian的畫作，Man僧則大讚清新：「直頭係好似依家時下興嗰啲好簡約嘅公仔，即cute cute哋。如果搵一個人可以再喺畫技上指導呢，佢可以做啲幾得意嘅公仔㗎，比我想像中好。」

之後二人再分別畫出「心愛的東西」，再由Man僧幫忙上墨，將二人的草稿變成可以印刷的程度。Ian所畫的愛犬「雞髀」經過Man僧上墨後，霎時變得栩栩如生，而Jer創作的球星「哨牙度」經Man僧加工後更加令Jer大讚：「好鍾意呀！要留念呀呢個真係！」

另一邊廂，Stanley和Tiger就到梅窩探索大自然寶藏，二人先品嚐由梅窩農園種植，達30斤重的青皮大冬瓜所烹調的「十全十美冬瓜宴」。之後再為梅窩的農產品出一分力，去到深山中的果園，跟隨農夫Danny學習苗種菠蘿。而當聽見菠蘿由種植一刻至到收成，要耗時年半，Stanley不禁再次跟Danny確認：「哇！即係而家種，我哋要年半後再爬返上山先拎到呢個我哋種嘅菠蘿。」Tiger則反應快地笑言：「我會叫同事上嚟幫手睇吓。」Stanley種下菠蘿時希望它可以：「拜託松鼠啊老鼠啊，唔好食咗我兩個菠蘿，OK大功告成，一年半後見！」。