張繼聰論表演者外表的重要性　「同呢個命題搏鬥咗幾十年」

都說表演者外表很重要，尤其香港及亞洲的娛樂圈高度視覺化，外表不只影響選角機會，更是吸引粉絲與商業合作的關鍵，尤其在社交平台時代，公眾審視無處不在。張繼聰近年努力健身，操得一副好身材，與天生靚仔的藝人走不同路線。張繼聰昨日（4月21日）在社交平台就「表演者外表的重要性」發文，直言自己「同呢個命題，搏鬥咗幾十年」，更自嘲「企喺好多靚仔隔離，咁我直頭係冇輪廓」。

雖然不是天生靚仔，但張繼聰認為，「實力係可以透過磨練，一點一滴累積返嚟」。他相信宇宙間，有無限咁多種靚和成功，「想用自己嘅人生實驗一下」、「想活出一套勵志片」。

張繼聰在社交平台發文：「偶然睇到，有人話做表演者外表真係好重要。我17歲入演藝學院讀書，立志成為一個表演者。『個樣唔掂，就冇運行』，我可以話同呢個命題，搏鬥咗幾十年。企喺好多靚仔隔離，咁我直頭係冇輪廓啦。個樣生出嚟，係冇得揀，更加唔好怨，因為阿爸阿媽養大你好辛苦。不過實力，係可以透過磨練，一點一滴累積返嚟。如果外表係天份，咁有好多嘢又唔需要天份喎。勤力，準時，不斷重複練習，虛心，健康嘅心態；唔好下下斤斤計較，唔晒（嘥）時間諗無謂嘢，唔怕失敗，唔怕人哋講咩，點都企返起身再砌過，呢啲全部都唔使天份你肯做就得。不過老老實實，做得齊以上呢啲嘢，其實都可能係天份嘅一種。」

「人一世物一世，我就係想用自己嘅人生實驗一下，我嘅諗法『呢個宇宙，根本就係有無限咁多種靚同埋成功』，我就係想活出一套勵志片。做最好嘅自己，其他嘢，WFC。有緣睇到嘅你，加油。如果咁啱，你都係想成為一個表演者，Just enjoy your journey and trust it」。