小朋友考完試北上玩 深圳灣昨晚回港潮塞爆　吳業坤：以後唔會周日返香港

北上消費熱潮持續，加上學生考完試，不少港人一家周末北上遊玩，趕在周日夜晚回港。社交平台小紅書不少人發文指昨晚（22日）深圳灣口岸湧現回港潮，交通大排長龍。歌手吳業坤亦發文指，需排30分鐘才能搭到的士，「我以後唔會星期日返香港」。

至少需排個多小時才過關

小紅書不少人發文指深圳灣口岸昨晚出現回港人潮，關口出現數十米人龍。有回港人士指至少需排一個多小時才能過關。

歌手吳業坤昨晚在facebook發文，可見他當時於深圳灣口岸排隊，指「我都係收工，想搭的士返屋企，我諗都要排一個鐘」，又指「我已經唔知邊條隊打邊條隊」、「我以後唔會星期日返香港」、「我已經見佢關口塞車，落車行去關口，點知過完關，仲要過埋的士呢一關」。吳業坤另於小紅書稱「去深圳灣關口前的路太堵，我已經落車步行15分鐘，過了關之後搭的士，都要等了大概30分鐘」。

有網民亦表示「唔知點解呢個星期北上咁誇張，唔止深圳灣，蓮塘，港珠澳大橋，一樣咁既情況」，有人回應「因為啱啱中小學考完試，所以呢個禮拜假期先咁多人咋」。

港珠澳大橋亦現「車潮」 珠海回港需4小時

另外，港珠澳大橋回港昨亦出現「車潮」，有港車北上車主指，昨午4時已開始出現車龍，下午5時由珠海經港珠澳大橋回港，花了近三個小時才由珠海出境上橋。亦有人稱「昨晚9:50喺日月貝(珠海大劇院)出車，玩到2點先到屋企..，耗時超過4小時」，有車主指「九成係啲小朋友考完試，個個家長帶佢上去玩。我架八人車都係坐滿」，另有車主決定放棄，於珠海找酒店住宿一晚，今早才回港。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)