游嘉欣遭巨型海象嚇親　力保驚恐而不失禮貌的笑容

無綫小花游嘉欣與戴祖儀、關楓馨等齊齊主持節目《寵你一世》，日前拍攝時，游嘉欣與關楓馨齊齊到主題公園拍攝，帶同狗狗的她們於水族館的觀賞屏前影相，但嘉欣竟然被一隻巨型海象嚇親，而她的反應都嚇親手上的狗狗，狀甚搞笑。她於社交網PO出跟海象的晒V合照，但笑容明顯牽強，嘉欣更配文：「驚恐而不失禮貌的笑容，一轉身就見到佢啤住我，係有d淆底嘅，鏡頭前都係靚緊要啲，聽講係求偶期，但你嘅眼神會唔會太油膩。」

游嘉欣接受東網訪問時坦言：「其實現場睇真係有啲驚，因為真係好大隻，隻海象應係見到有啲狗仔，好奇之下游過嚟睇，佢隻眼係咁睩來睩去，所以覺得有啲神奇，亦有啲恐佈，一轉身就見到佢喺隔離望住我。」

東網網站 : https://on.cc/東網Facebook專頁 : https://www.facebook.com/onccnews/