蒼井空「胸」降香港　興奮晒廣東話冧粉絲

前日本AV天后、現年44歲的蒼井空（蒼老師），闊別香港12年，今日（14日）空降香港出席夜店重開活動，及舉行《蒼老師是我們的》粉絲見面會，吸引數百粉絲追星，場面墟冚，由於粉絲及途人太多，舞獅環節改為在室內舉行。

蒼井空穿着紅色吊帶晚裝，晒4吋事業線，面對粉絲群情洶湧，兩度用廣東話慰粉絲：「大家好，我係蒼井空。」之後透過翻譯表示早上從日本來港，很久冇出席海外活動，感到開心又興奮，她說：「非常開心參與今次活動，自從結婚及生小朋友後，有6、7年冇出席公開活動，好開心香港人仲記得我。」今日抵達香港機場，覺得香港一樣美麗，笑言：「翳焗嘅天氣令以前嘅感覺湧現。」之前來港都是工作，沒有時間觀光，今次希望可以四處走走、到主題樂園和吃地道美食，又表示己忍不住想吃甜品。與粉絲會面表示期待：「好耐冇正式嘅場合同粉絲見面，今次仲係一對一交流，所以好期待，真係好耐冇見香港粉絲，仲擔心大家忘記我，好開心見到大家，好愉快！」

東網網站 : https://on.cc/東網Facebook專頁 : https://www.facebook.com/onccnews/