周嘉洛自爆險被收數公司騙財 曾遭騙徒冒認私信粉絲攞錢

「金城安」周嘉洛日前出席銀行活動開設期間限定「防騙便利店」，分享的獨門防騙資訊。已連續2年獲邀出席活動的周嘉洛，今次首任一日店長，他笑謂自己經常巡舖，對防騙商品瞭如指掌，更指店內3大防騙互動區域及每件商品都非常出色。

周嘉洛自爆險被收數公司騙財，幸好當時保持冷靜，才力保不失：「啲騙徒善於捕捉受騙者心理，通常會喺緊急情況下逼你做決定，甚至令你擔心埋屋企人。好好彩，喺騙徒嘅對話入面留意到破綻，最後保得住荷包。」問到小時候可有被騙或騙人經歷？他笑謂兒時曾欺騙父母：「細個唔識諗，為咗可以參加課外活動，冒媽咪簽名，睇落好似好小事，但結果當然係得不償失，做錯事係要負責任嘅！」

有騙徒假扮藝人呃錢，周嘉洛自己亦是受害者：「身邊有唔少藝人朋友試過，畀人hack入社交平台帳戶同埋點數卡嗰啲，大家好醒目唔會信，但係利用Fans對藝人嘅支持呃錢，真係好嬲！我絕對唔會私信Fans攞錢，大家唔好畀啲花言巧語𧨾到！幸運地佢哋都好聰明，只能夠講懂得欣賞我才華嘅人，都好有思考能力。」

他搞笑呼籲騙徒改邪歸正：「有啲行業，掙到嘅錢同種下嘅孽係成正比嘅，騙徒就係一分耕耘一分孽債，愈努力愈危險，我建議各位師兄姐轉行！」同時他再呼籲Fans切忌誤信糖衣陷阱：「我絕對唔會私信Fans攞錢嘅，大家記得唔好畀啲花言巧語𧨾到！」

（即時娛樂）