洪天明擬安排囝囝返內地讀書 讚大仔暖男 笑細仔似管家

洪天明與周家蔚難得夫妻檔亮相《大師兄 Welcome Summer 大激戰》，洪天明否認老婆樽領上陣，並非他不批准性感，不批准的是細仔：「細仔好似管家，連媽媽著短裙都唔得，遺傳媽媽執著同容易發脾氣。」

洪天明自認後生時有體能，現在年紀大拍完好攰，有心無力，周家蔚則不認同，還大讚老公：「我好欣賞佢仲好有力，仲勁過啲後生。」洪天明透露之前與老婆為其他公司合作拍電視劇，亦很想回娘家拍劇，盼多些機會在港工作陪屋企人：「現在影視行業市道好靜，又忙於為『洪家班』品牌產品喺內地奔波，更計劃安排兒子到內地讀書，如實行就變咗負責留港為品牌推廣嘅老婆做『太空人』，不過我老竇（洪金寶）就唔係咁想，因為唔可以經常同孫仔見面。」

對於大仔洪大仁被網民讚似韓仔，洪天明說：「哥哥係好暖男，但未來都唔想佢入行，始終市道差，將來睇佢想唔想繼承品牌工作，不過佢未來嘅路，等佢自己選擇。」

（即時娛樂）