陳凱詠台上甩裙台下爆喊　靠Dee即剝衫披身解救

歌手陳凱詠（Jace）在九展出席音樂會，發生「甩裙意外」的她嘆氣，大呻不滿意表現，又解釋意外經過：「因為條裙我有兩粒啪鈕，如果甩咗就係一塊布，我本身都打足底，當我一知道甩裙，我好想扣番，又一邊繼續唱，我都唔知自己做緊乜，其實我嗰陣真係好慌，完全未試過。」

她又感激Dee英雄救美，攞件外套給她遮住解圍，問到可會嫁給對方作報答？她笑言：「咁又唔使去到咁嘅程度，人哋又冇話娶，但佢嗰陣好man，從此我望佢個眼光會唔同咗。」其後愈講愈眼紅紅的她又大呻本身很期待今次表演，覺得今次很可惜，未能呈現最好表現，12月會開個人演唱會的她，看看到時能否再補演這個表演，之後她講講吓更忍唔住喊出來，要用紙巾拭淚。

東網網站 : https://on.cc/東網Facebook專頁 : https://www.facebook.com/onccnews/