孖許冠文開P　許冠傑2千呎豪宅曝光

殿堂級歌神許冠傑（阿Sam）日前宣布將與藝人鄭丹瑞於明年4月在紅館舉行演唱會，近日Sam除頻頻在家練歌外，亦會抽空與家人相聚，呢日佢一家人與哥哥許冠文夫婦一齊在家中開Party，見戴上豹紋嘅佢精神奕奕，而且兒孫滿堂、人才濟濟外，最大亮點就係其超豪華嘅豪宅家居，相中見超大型客廳容納近20人都綽綽有餘，而且設備齊全，有大量音響器材畀大家唱K，另外仲有夾Band區作平時練歌之用，室外仲有大型露台花園，環境闊落舒適。

據知Sam於1999年購入大埔康樂園單位自住，面積高達2,121平方呎，並設有3,200平方呎花園。另外，Sam名下物業無數，於2004年斥資約1,470萬元購入另一幢康樂園洋房，作為大仔許懷欣嘅婚後居所，後於2013年以2,300萬元出售，與此同時，Sam亦於大埔御泓居持有一座面積達3,500平方呎嘅洋房連2,442平方呎花園，私隱度極高。

東網網站 : https://on.cc/東網Facebook專頁 : https://www.facebook.com/onccnews/