英超球證公司首席裁判官韋比：尼敦艾基對住富咸嘅入波應該要被取消　至於奧拿拿整跌狼隊球員應該要被判12碼

英超球證公司(PGMOL)首席裁判官韋比係「Match Officials:Mic'd Up」節目講到今季英超一啲爭議性判決，並且表達自己嘅意見🙂

1️⃣曼城對富咸-荷蘭🇳🇱後衛尼敦艾基入波

韋比表示「呢個好明顯係越位。我覺得呢個入波應該被判無效，因為艾簡治對住龍門尼奴造成影響，大家都睇到龍門出現猶豫😕。」

2️⃣曼聯對狼隊-喀麥隆🇨🇲龍門奧拿拿整跌狼隊球員

韋比表示「奧拿拿嘅犯規足以證明要判12碼，但係當時主球證無判到，呢個好明顯係漏判咗🫠。」

3️⃣阿仙奴對曼聯-德國🇩🇪前鋒夏維斯搏到12碼但被VAR取消

韋比表示「主球證初初見到雲比沙卡整跌夏維斯，但係經過VAR檢查之後就發現兩位並無實際接觸，所以唔應該判12碼係啱嘅🙂。」

4️⃣紐卡素對利物浦-荷蘭🇳🇱中堅雲迪克拎紅牌

韋比表示「雖然我哋睇到雲迪克掂到波，但雲迪克之前好明顯踢到伊薩克隻腳。如果呢個犯規發生係禁區內，咁就有可能係12碼加黃牌，但如果發生係禁區外，呢樣就屬於「破壞明顯入波機會」情況，所以應該比紅牌😶。」

運動