伍仲衡被停任《中年》評審　參賽者斥「新聞人物」：當正自己要被供奉

伍仲衡近年因擔任TVB《中年好聲音》評判之一，令他人氣高企，並吸納大批粉絲。伍仲衡早前在其51歲的生日會上宣布跟《校園好聲音-唱響中國》大學生歌唱比賽冠軍洪心怡簽約，觸動有意羅致洪心怡的TVB。TVB日前已發出聲明，表示《中年好聲音》一貫邀請具有不同專業背景的音樂評審參與，以確保節目的專業性和公正性。伍仲衡亦向傳媒承認，TVB有人通知他不用再為《中年好聲音3》開工。

伍仲衡「被炒」消息傳出後，有份參加《中年好聲音3》海選的李玥穎在社交平台發文，指「見到新聞有人被炒，心𥚃百般知味，好似天氣一樣，有點涼。」李玥穎透露，當日在海選時，「今次新聞人物，係我唱完晒成隻歌先戴headphone」，又指肥媽親民、冇架子，不時鼓勵參賽者，「好過其他人真係當正自己係要俾人供奉」，最後李玥穎希望「餘下盲撐嘅人，終會有醒覺嘅一天。」

李玥穎全文：「見到新聞有人被炒，心𥚃百般知味，好似天氣一樣，有點涼。《中年好聲音》無疑的確係一個珍貴體驗，呆等十幾個鐘，個妝由fresh到出油，不停練習、鼓起勇氣、出到個台、唱，眼見面前台下幾位同我一樣被迫營業嘅精神狀態，台上嘅我其實明白，評判都也只係呢個節目其中一個齒輪，佢哋都係返工啫。直至到今次新聞人物，係我唱完唒（晒）成隻歌先戴headphone，仍在台上嘅我忍唔住自己嘅面部表情，「西」咗一下面。喂你冇認真聽，你都扮下野（嘢）吖，咁大個人，唔係輸贏嘅問題，而係互相尊重。」

「肥媽的確係呢個節目嘅中軸，不時過嚟後台比（畀）鼓勵參賽者，親民、冇架子，好過其他人真係當正自己係要比（俾）人供奉，對D 參賽者理所當然。完咗錄影之後，一直不是味兒。見好多其他同學仔有寫千字文，我都心有餘悸，多謝呢個節目嘅體驗機會，幕後人員製作認真，可惜幕前演員演出唔夠專業，對音樂同參賽者欠一個交代。餘下盲撐嘅人，終會有醒覺嘅一天。」