點解另一半要cheat？II

上一次介紹咗一啲常見嘅出軌理由，包括關係入面累積咗好多負面情緒，同性生活唔協調。今日吾係心理學家再同大家深入探討呢一個topic。

3️⃣ 演化學符合本能嘅出軌

演化學角度嚟講，人類俱備動物性本能，想盡量廣泛咁傳播自己嘅DNA，以繁衍後代。所以，想多啲人鍾意，想成為吸引人嘅人，絕對可以理解。有啲研究甚至提出，男性同女性出軌行為，同演化學都有關添！🧬

大家不妨諗吓，動物中雄性同雌性嘅生殖能力分別 - 雄性精子數量一般比雌性卵子多。對雄性嚟講，利益最大化當然係盡量「播種」，以達繁洐後代嘅作用。🎆 相反，雌性卵子相對稀少，雌性因而會選擇一啲能力較高嘅雄性嚟交配，以確保後代嘅「質素」。📈

就係咁，有人就提出男性出軌就「有得食唔食」，而女性就會揀擇啲，傾向搵啲質素相對上好啲嘅異性。🎎

不過，非常需要強調嘅係，我哋雖然有動物嘅本能🐻，但同時亦有控制自己嘅能力。即使我哋會無可迫免咁被其他異性吸引，但我哋係可以控制自己嘅行為嘅！⚠️

4️⃣ 出軌源於對自我嘅不滿

最近嘅研究指出，有部分出軌嘅人其實不滿嘅唔係本身嘅關係，而係對自身嘅狀態不滿。出軌，某程度上提供咗一個機會比人重新建構自己，有少少似拋開過往所建立嘅一切，重新塑造一個新嘅自我。🕰

尤其係喺一啲人生重要嘅過渡性階段，例如中年危機、退休等🗓，人可能會對過去所建立嘅生活開始質疑，思索一直以嚟會唔會遺留咗一啲人生重要嘅嘢未做。 💭

如果用以上嘅角度去睇，出軌嘅人唔係單單對伴侶感到厭倦🤧，而係對原本嘅人生感到厭倦、想逃避原本嘅自我，而追求一段不一樣嘅人生

🪂。呢種心理狀態，甚至乎有啲似自我形象嘅危機添。

以上兩個解釋出軌者行為嘅理論，唔知大家同唔同意呢？留言話我哋知你點諗呀！

          View this post on Instagram                      

A post shared by 吾係心理學家 Hi Psychologist! (@hkhipsychologist)