吳亦凡著CLOT x Ralph Lauren聯乘唐裝 同陳冠希世紀大和解？
潮流界最強話題，非陳冠希自家潮牌CLOT與Ralph Lauren聯乘莫屬，將唐裝設計融入Polo，創意性十足，不過換來正負評兩極，甚至有人話似壽衣。Anyway，CLOT x Ralph Lauren聯乘受注目就一定係事實，就連吳亦凡於《王者榮耀》冬冠總決賽演唱時，以一身黑白配色造型示人，而內裡嘅白色Polo裇，正正就係CLOT x Ralph Lauren聯乘系列，唔通2021年係佢兩人世紀大和解？
撰文：Easy｜圖片來源：電視截圖、Instagram、新傳媒資料庫
吳亦凡著CLOT x Ralph Lauren聯乘唐裝
吳亦凡與陳冠希嘅恩怨，其實要追溯返之前《中國新說唱》時期，Edison曾於微博砲轟節目及吳亦凡。然而最近節目《王者榮耀》中，吳亦凡著用CLOT x Ralph Lauren聯乘唐裝，令唔少人認為2人係咪世紀大和解？吳亦凡著用CLOT x Ralph Lauren聯乘唐裝，立刻有不少自稱知情人士話估計2人於洛杉磯湖人主場意外碰面之後，逐漸修補關係，令吳亦凡願意著用CLOT。
點都好，吳亦凡向來都係鍾情中國風設計嘅人，今次著CLOT，老老實實都幾襯佢，不過相信更多人想睇陳冠希仇人余文樂著CLOT，唔知有冇機會有呢日？
同場加映
陳冠希CLOT夥拍Ralph Lauren出唐裝 原來余文樂、周柏豪都一早玩過 網民評價：似壽衣