乜嘢係靜觀進食？

源自於佛教既「靜觀 Mindfulness」，近年黎十分之流行。

靜觀既目的係不帶批判性的心去留意當下 (here-and-now)，例如你呢一刻既情緒、呼吸等等。現時都有唔少人透過靜觀既一啲小練習去令留意當下，暫時放低一啲負面情緒或經歷。

而靜觀進食，就係其中一個靜觀練習。佢既原理都係一樣，但係就會將注意力放係你呢一刻食緊既食物上面，留意當刻感官上既體驗。雖然，嘗試靜觀進食係可以減到肥，但係佢個目的唔係呢個架。佢唯一同埋最重要既目的係想參加者全心全意地投入係當刻既食物面前。

見到靜觀呢兩隻字，係咪以為食得慢啲就係呢？欸⋯⋯啱左啲，但係又唔啱得曬。

其實係靜觀進食入面，參加者會用到好多唔同方法去感受面前嗰一份食物。如果你面前係一塊薯片既話，咁導師就會邀請你嘗試：

(1) 係燈下面觀察下塊薯片、
(2) 放係耳邊聽下佢有無聲、
(3) 用鼻聞下佢有咩味、
(4) 用手指去感受佢既質感、
(5) 用脷尖試下佢係咩味、
(6) 最後，先放入口入面慢慢咬。

實際上，就一定唔止上面提到既步驟。其中一名禪修學生兼大學教授 Kabat-Zinn，就提出食一粒提子乾都要14個步驟呀！由此可見，靜觀進食並唔係餵飽你個肚（太肚餓就唔好做啦，因為做好耐先食得一啖🤣），而係用你不同既感官去感受食野既當下。

聽落去好似好搞笑咁，食一樣野都搞咁耐。但係，搞笑既背後都有佢既用途架！

Miller, Kristeller, Headings & Nagaraja (2014) 既研究顯示，靜觀進食可以令到抑鬱症狀，同埋營養方面得到改善。對於一啲需要控制飲食既人士，例如糖尿病患者，靜觀進食會係一個好好既方法去改善佢哋既飲食習慣。

🔍想知多啲？可以睇下以下兩篇文：
Nelson, J. B. (2017). Mindful eating: the art of presence while you eat. Diabetes Spectrum, 30(3), 171-174.

Miller, C. K., Kristeller, J. L., Headings, A., & Nagaraja, H. (2014). Comparison of a mindful eating intervention to a diabetes self-management intervention among adults with type 2 diabetes: a randomized controlled trial. Health Education & Behavior, 41(2), 145-154.

          View this post on Instagram                      

A post shared by 吾係心理學家 Hi Psychologist! (@hkhipsychologist)