香港就快冇電話亭？劉德華原來係高用量客戶

今時今日，人人有手提電話，你有幾耐冇用過電話亭？不少香港電話亭已淪為吸煙亭、貯物亭、避雨亭，因此通訊辦計劃移走過半現有電話亭。其實，電話亭是香港電影中最常用的浪漫道具之一，其中劉德華可算是最大用家，有無數個浪漫故事都是發現在電影內的電話亭。

《旺角卡門》

講起電話亭出現的電影場面，不少人第一時間都想起劉德華和張曼玉激吻這一幕。劉德華以為王家衛飾演的醫生是張曼玉男朋友而傷心離開，這時收到張曼玉的訊息說她正趕到，結果兩人在碼頭的電話亭瘋狂激吻。

《阿飛正傳》

又係劉德華和張曼玉！劉德華在《阿飛正傳》單戀張曼玉，飾演警察的劉華每次巡邏到他與蘇麗珍（張曼玉）最後一次見面的電話亭都會多停留個幾分鐘，只想知道她會不會打電話給自己。「我從來也沒想過她真的會打電話給我，但每次經過電話亭的時候我總會停一陣子。」

《天若有情》

男不壞女不愛，古惑仔劉德華與有錢女吳倩蓮的愛情故事當然要轟轟烈烈。劉華在電話亭覆完Call接order，就話車吳倩蓮去睇月光，然後可怕的事情發生了……而電影的結局部分，劉華和吳孟達亦因重傷而在電話亭避一避。

《精裝追女仔2》

劉華想去電話亭打電話，見有人用就想催對方收線，點知係大美人李美鳳，劉華立即示意叫佢慢慢傾。當他想一啖錫埋去時，電話亭的美人已換了余慕蓮。

《賭俠1999》

劇情講述劉華出冊後，第一件事想打電話搵番老婆，但可能時隔多年改了電話，最後電話冇人聽失望而去。同片，黃子揚亦有在尖沙咀電話亭叫張家輝扮兔仔跳。

撰文：機