【身高1米49】糖妹人仔細細打過籃球隊

甜到漏嘅歌手糖妹相當有童真，佢日前走咗去睇動畫電影，仲有機會同人扮嘅電影主角Bugs Bunny同Lola Bunny開心集郵添。佢喺社交網甫相又留言話好開心：「我真心好興奮！狂影相唔該！我見倒真人扮毛茸茸既賓尼兔，同佢Tune squad嘅朋友仔，我真係嗌咗出嚟！！！真係好好好好好得意！得意到暈呀！」佢仲爆咗個驚世秘密，原來人仔細細嘅佢原來係：「我細個真係籃球隊㗎……」吓！乜打籃球唔係會變高咩，點解糖妹依家嘅身高只1米49呢？

糖妹上載嘅相片中，高度都唔係重點，啲網民只將重點放喺佢心口度，因為佢胸前多咗「事業線」，不過睇另一張相佢舉高手嘅相，又發覺佢同平時一樣，都係平平冇奇喎，再睇真啲原來係「陰影位」，多得嗰隻Lola Bunny打個陰影喺糖妹嘅胸口度，就錯覺以為糖妹多咗條事業線。

東網網站 : https://on.cc/東網Facebook專頁 : https://www.facebook.com/onccnews/