文凱玲臨盆在即　BB肚裏游自由式

女星文凱玲(Connie)早前與拍拖5年的圈外男友結婚，並宣布造人成功，現年41歲的Connie在醫生眼中已是超高齡產婦，所以在得知懷孕時自覺好幸運道：「產檢嘅時候醫生同護士知道係自然懷孕都會話好難得。」又言在生活上沒有特別戒口和禁忌說：「已經八個月一直好忙，開頭係工作，之後籌備婚禮然後忙住搬屋。忙起上嚟好多時會唔記得自己大住個肚，成日畀身邊嘅人叫我唔好行得咁快！」又分享寶寶在自已肚子裏非常活躍：「成日都覺得佢好似游緊水，之前係自由式，最近變咗蝶式，依家隔住個肚都見到佢郁緊，每次BB郁，我都會同佢傾吓偈，老公亦都好鍾意摸住個肚，BB一郁佢就會笑得好開心。」透露預產期在七月底，BB名字則待孩子出世再決定。

東網網站 : https://on.cc/東網Facebook專頁 : https://www.facebook.com/onccnews/