周潤發竟被路人大聲呼喝　最強EQ互動見真章

影帝周潤發（發哥）一直都係香港人嘅「吉祥物」，去到邊都會有人同佢打卡，佢更愛與市民互動，成日走入街市買餸及行山跑步，同粉絲合照吹水。有網民尋日（27日）上載短片，指於尖沙咀街頭巧遇發哥，當時佢更被熱情民眾包圍，又同大家大方簽名及自拍互動。

不過當日發哥低頭簽名時，有一位路人突然大聲呼喝佢，並謂：「你係咪盧海鵬？」發哥則微笑回應，該路人繼續追問：「你係叫咩名啊？」發哥幽默回答：「我係張有興。」現場隨即引嚟一片笑聲，最強EQ完全唔發火，態度非常好。當發哥準備離開、等紅綠燈過馬路時，亦有人衝上前自拍合照，發哥即禮貌望向鏡頭露出微笑，真係親民到爆。

東網網站 : https://on.cc/東網Facebook專頁 : https://www.facebook.com/onccnews/