彭秀慧揭姜濤對演戲卻步　「佢問係唔係一定要拍戲」

彭秀慧近年憑《29+1》及《阿媽有咗第二個》成為香港新晉女導演，近日回歸劇場，將於年底上演自資的第5齣獨腳戲《失憶【諒解】備忘鹿》，她接受電台訪問，親解舞台劇的靈源自兩年前逝世的母親生前患上腦退化症，與其踏入49+1女性年紀的關係，亦再談拍電影的心路歷程。

彭秀慧畢業於香港演藝學院表演系後就加入劇場成為全職演員，憑自編自導自演獨腳戲《29+1》成名，雖然劇目大受歡迎並多次重演，她卻多次拒絕出售電影版權，直至2017年才獲蕭定一投資讓她首次執導，彭秀慧更憑電影榮獲金像獎最佳新晉導演。

到了2022年，彭秀慧執導第二部作品《阿媽有咗第二個》，請到MIRROR成員姜濤及柳應廷初登大銀幕，電影在鏡粉效應下狂收4300萬票房，彭秀慧在電台節目上除了提到戲中毛舜筠角色原型，靈感源自MIRROR經理人花姐，大讚對方事業、家庭兩兼顧，更透露姜濤醉心舞台，一度對演戲卻步：「他們是新演員，在香港做得歌手都要接觸其他工作，那管佢鍾唔鍾意做，阿姜講好多次只鍾意舞台表演唱歌，做自己的作品，當時佢有問：『我係唔係一定要做演員？係唔係一定要拍戲？』但你響呢個位，就要去做，可能未必係佢第一選擇，但我係好感謝佢好投入去做！」