Tyson Yoshi日本觀賞F1分站賽 與世界知名車手見面

世界一級方程式錦標賽（F1）上周末於日本鈴鹿市舉行2025賽季日本分站賽，由荷蘭籍世界冠軍級車手韋斯達賓（Max Verstappen）奪冠。Tyson Yoshi當日在場內近距離觀賞賽事，他說︰「雖然我平時鍾意揸跑車，亦都嚮往速度感，但我絕對係一位安全至上嘅駕駛者。今次能夠親眼目睹F1賽車嘅速度感，非常興奮，其實真係眨吓眼架車就喺你面前唔見咗，刺激程度媲美拍攝《1994》飛車場面，所以非常多謝邀請我嚟觀賞賽事。」

除了觀賞比賽外，Tyson更親身入到賽道旁的裝備區近距離參觀：「平時喺串流平台睇紀錄片先會睇到嘅paddock，真係估唔到今次自己竟然有份親自『落場』，仲可以親眼見到世界知名嘅領隊同賽車手真人，同埋佢哋喺開賽前嘅準備等等，成個體驗真係好唔真實！」Tyson亦分享整趟旅程的感受︰「今次可以親身睇F1已經好夢幻，仲畀我可以見到我最鍾意嘅Oracle Red Bull Racing車隊同埋世界冠軍級車手Max Verstappen（韋斯塔本）。我其實好鍾意Max手車，因為真係好快！」

（即時娛樂）