啟德過江龍拉麵　豬骨湯好重口味好濃稠

啟德過江龍拉麵
之前一直想試灣仔好出名嘅和牛拉麵，估到呢間都有！鍾意清淡口味試和牛拉麵，鍾意重口味揀豬骨濃湯signature款就啱啦。

𓇟 和牛野菜拉麵 $158
2 大片半熟和牛好吸睛！食落入口即融。湯底係清湯，反而會食到好重牛味。因為搭配和牛整體感覺唔膩，可以清晒碗湯。

𓇟橫濱終極MAX拉麵 $118
豬骨湯好重口味好濃稠，表面會有一層油脂，叉燒好霖，係一夾就斷🙂‍↕️。似係日本先食到嘅偏鹹偏濃嘅味道，好想飲晒個湯，但係可惜有啲油膩。