張學友聞有人買黃牛冇飛仲被呃錢　直言：好難過

「歌神」張學友前晚假紅館舉行第311場《60+巡迴演唱會》，初時他表示心情不緊張，但其後又改口說：「真係緊張，因為係2026年第一場，同埋今晚係錄影嘅，愈想唱得好啲就愈唱得唔夠好，我會加油嘅。」

他又謂其嗜好只有唱歌及睇電視：「我真係冇乜嘢做，不過今日睇電視時真係好驚，通常做娛樂圈嘅人，喺新聞台聽到自己個名都唔慌好嘢，所以我換梗衫都即刻撲出去睇，原來有人買黃牛，仲要冇飛被呃錢，呢件係非常難過。」他戥被騙的歌迷慘，但又愛莫能助，笑言：「賠畀佢，我又可憐，呢啲真係血汗錢，所以都要響應用實名制，會穩定啲，同埋要提防騙子。」

東網網站 : https://on.cc/東網Facebook專頁 : https://www.facebook.com/onccnews/