湯唯真面目曝光　 機場點名粉絲：你不乖

內地頂流女星湯唯，2014年同韓國導演金泰勇結婚，並育有1女，而事業家庭兩兼顧嘅佢，日前受邀出席倫敦時裝同，引嚟唔少粉絲接機追星外，更有粉絲晒出接機時，同湯唯互動嘅影片，猶如好友嘅親密互動，認真羨煞旁人。

不時被捕獲到私下寵粉一面嘅湯唯，曾被拍到喺機場停車場畀粉絲認出求簽名，並即場踎低滿足對方要求，而日前去倫敦出席完時裝周並設到北京嘅佢，主動同之前送花嘅粉絲相認外，仲透露道：「我把你的花插上了！」氹到粉絲心花怒放之餘，喺幫一眾粉絲簽名期間，竟然主動指向一位又嚟接機嘅粉絲，笑鬧對方頻頻嚟睇自己：「你不乖。」親切舉動引嚟唔少粉絲留言道：「湯唯真的很舒服，自然的美，親和力十足。」、「一點架子都沒有！」、「她真的好有氣質！」、「她一直對粉絲特別好。」

東網網站 : https://on.cc/東網Facebook專頁 : https://www.facebook.com/onccnews/