「長腿女神」曾淑雅B女出世髮量濃密 堅持餵母乳望囡囡肥肥白白
33歲「長腿女神」曾淑雅（Jumbo）過去曾主持《3日2夜》為人熟悉，去年11月宣布離開TVB，回復自由身。前年突然宣布結婚並於同年11月誕下囝囝Kobe，今年元旦她再報喜懷上第二胎，Jumbo今日（12日）在社交網宣布女兒順利出世，湊夠一個「好」字，但大仔因為發燒而暫時未能與妹妹見面。
Jumbo今日在社交平台宣布囡囡順利出世，分享了多張與女兒的合照，寫道：「Welcome to my world 妹妹，順利出世啦，望住你溫柔的小臉，媽媽也溶化了。近乎同哥哥一樣既髮型出世，都係貪靚既BB仔，食奶ok 黃疸 ok 精靈精神，已經一齊出院回家啦。」不過，她透露大仔因為發燒，暫時兩兄妹還未能見面，「哥哥因為發燒，亦都打亂晒所有計劃，有2個小朋友一切真係要更加小心，哥哥要分開住，暫時都未見得妹妹，期待之後2人見面的反應。」
Jumbo表示雖然上次已有經驗，但現在開始坐月一個月，笑言已經好似變番新手媽媽：「真係生疏哂！正在努力學習中要慢慢搵番凑Kobe仔初生時既回憶，係有過經歷之下！今胎還是會選擇繼續做母乳媽媽，雖然無得一覺訓天光，但還是覺得很值得的，只希望囡囡可以肥肥白白健健康康。」