謝婷婷巨肚頂獎盃　連擸網球大師賽及省賽冠軍

謝霆鋒胞妹謝婷婷本月底生得，佢同老外男友Mathew都熱愛網球，早前佢挺巨肚打網球已經夠牙煙，估唔到原來佢仲頻頻參賽，一身好球技更為佢帶嚟人生兩大網球大師賽冠軍，毅力驚人！

謝婷婷晒出用巨肚頂獎盃嘅靚相，自爆於懷孕期間參加咗網球大師賽ITF700 W35雙打及MT400省級W40單打，兩個比賽均勇奪冠軍寶座，球技之強令人讚嘆不已。佢留言指兩場比賽均係佢懷孕晚期時舉行：「過去九個月裏，我最感激的事情之一就是我的身體一直支持著我──不只是在懷孕期間，更是在網球場上，一次又一次。不知何故，在這段期間，我參加了比賽，並贏得了兩個非常特別的冠軍：懷孕24周時與好友一起贏得了大師賽ITF700 W35雙打冠軍，以及懷孕32周時贏得了MT400省級W40單打冠軍。」

佢續表示自己都打破身體極限，雙打拍檔亦對佢信心十足，支持佢一同出賽。至於男友Mathew更加唔使講，知道婷婷報名比賽時冇say no，仲會幫佢綁鞋帶、揉背等，令佢幸福感飆升：「還有我的人生伴侶Mathew 謝謝你在這段狂野而美麗的旅程中始終保持着穩定。還有，在我懷孕後期報名參加單打比賽時，你從未眨眼。從幫我綁鞋帶到比賽結束後幫我揉背——我感受到你無微不至的愛。沒有你，我做不到這一切。 ♥️♥️♥️」

東網網站 : https://on.cc/東網Facebook專頁 : https://www.facebook.com/onccnews/