結業潮｜將軍澳深仔記被逼結業？「業績超然」自願加租仍不獲續約
本港餐飲界結業潮不斷，大多食肆是因為生意不佳或被加租決定離場。但近日一間位於將軍澳中心的連鎖老牌麵店「深仔記」，聲稱即使「業績超然」向業主稱願意加租，仍不獲續約被逼於本月下旬結業，引發街坊和網民討論。
1983年創立的「深仔記」以雲吞麵馳名，目前於本港有6間分店，近年更在深圳羅湖區擴展版圖。近日有網民於Facebook群組「將軍澳主場」分享一則「深仔記」將軍澳店於上月貼出的告示，指該店因租約期滿，業主不再續約而被迫結業。告示中提到，將軍澳分店的收入表現理想「業績超然」，與業主經多次商議也願意加租，但業主決定不再續租。該店將於本月下旬結束營業，提醒顧客可前往其他分店光顧。翻查網上資料，該店2019年開業。
「好食嘅反而冇得做」
「深仔記」結業消息令不少將軍澳街坊深感不捨惋惜。有人留言指出，將軍澳中心已有多間空置店鋪，質疑業主決策：「將軍澳中心依家有勁多吉鋪，仲加租!?」、「係咪想讓路比某啲品牌」。另有網民表示：「想食碗好啲的雲吞麵都無！」、「成個商場得深仔記一間開到十二點，深仔記執左成個商場無宵夜賣」、「呢間啲雲吞麵真係好食，尤其下午茶好抵食。啲雲吞好正。同埋啲服務員姐姐都OK呀」、「好食嘅，反而冇得做」，亦有人建議改於坑口經營。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)