楊梓菁患怪病親揭康復進度　花7位數開工作室重拾鬥心

藝人楊梓菁跟朋友合資開設的健康療愈工作室今日（27日）舉行開幕活動，梓菁帶同2歲兒現身，圈中好友陳展鵬攜同單文柔、袁偉豪（Ben）和張寶兒、葉泓聲和陳樂榣等亦帶同小朋友齊來祝賀。

楊梓菁感謝家人好友的支持，期間更忍不住感動落淚，她坦言去年因免疫系統攻擊甲狀腺，導致失眠、暴瘦和眼球凸出，無奈要推掉多部劇集和廣告工作專心休養，透露現已康復約8成：「唔使做手術，但吊咗12次類固醇，之前一直忙工作無休息，個病係生完BB之後先有，可能懷孕令賀爾蒙亂左，身體終於畀信號我要唞唞。（另一半照顧你嗎？）屋企有好大嘅團隊幫忙，之前覺得自己好醜樣，但仔仔冇畀我嚇親，有次見我隻眼貼咗紗布，仲走過嚟呵我。」

她坦言以往對很多事情會擔心，決定開工作室令她有了奮鬥目標，預計年尾會復工拍劇。她透露共合資了7位數開工作室，問到另一半有否資助？她笑言是用自己的錢，認為要肉赤才會努力賺回來，又笑指在裝修方面因貪靚而超支，但效果很滿意。談到跟BB爸爸是情侶關係還是已分開？楊梓菁直言不想透露，現時想專心事業，沒有結婚的打算。

陳展鵬表示跟楊梓菁因合作劇集《逆天奇案》而結緣，一眾演員感情如同家人。談到保持健康之道，他教路要清楚自己的基因特性，指有些人飲杯水也會肥，因此要戒進食導致肥胖的食物，當然亦要做適當的運動。

至於早前宣布懷有第二胎的張寶兒，笑指雖然心情比第一胎輕鬆，但休息時間相對少：「上一胎可以攤喺屋企瞓，但依家日日要陪仔仔返學，就算喺屋企我喺梳化瞌眼瞓，佢會嚟摷醒我。」她表示買了BB人偶給仔仔練習照顧BB，笑指仔仔被別人問到名字會回答「哥哥」。

談到早前她在社交網分享影片，於仔仔瞌眼瞓期間餵仔仔吃番茄，被網民指摘此舉容易令仔仔哽到，批評危險意識不足，寶兒指仔仔向來吃東西時不會瞌眼瞓，亦表示平日會特意給仔仔吃比較大件的食物，就是希望訓練他避免哽到，對仔仔有信心，亦明白每個年代和家庭有不同教導方法，因此理解網民的擔心。問到會否介意批評？袁偉豪表示拍片純粹希望記錄小朋友成長，大家看到的只是片段的一瞬間，故大家有不同看法實屬正常：「作為父母絕對會睇住自己BB，每個人都有自己睇法同緊張嘅點，所以冇乜所謂，最緊要父母知道當刻情況安全。」

問寶兒會否避開不看評語免被激親？Ben笑謂：「冇咁嚴重，就算係都係我激親佢，哈哈！（成日激老婆？）緊係冇啦！想自己好過啲，就梗係要自己醒目啲！」他表示純粹想跟大家分享BB成長的一些珍貴時刻，到仔仔長大有自己想法或會暫停分享。

東網網站 : https://on.cc/東網Facebook專頁 : https://www.facebook.com/onccnews/