東方日報A1：沙田污水廠搬遷爭130億埋單　財赤下去留兩難

雖然沙田污水處理廠遷往亞公角女婆山岩洞的造價由400至500億元降至328億元，但立法會工務小組委員會昨討論餘下工程預算逾129.3億元的撥款申請時，議員間出現拉鋸局面。多名議員指現時面對龐大財赤，新廠的維修及運作開支較舊廠高，質疑搬廠的迫切性，認為應停一停，延遲兩至三年在財政穩定後才搬遷，但亦有議員反對煞停工程，指日後費用或會攀升，當局則強調舊廠或要花5億元進行維修，但僅可續命兩年，若不搬廠花錢更多。

逾129.3億元的餘下工程主要包括在岩洞內建造和安裝污水處理設施、消防和其他機電設備，以及興建兩幢工場大樓等，用以重置沙田污水處理廠，以及停用並拆卸現有的沙田污水處理廠。

多名議員關注搬新廠後的維修保養及運作開支高達約5.3億元，又問及搬廠有何迫切性？發展局副局長林智文解釋，舊廠已運作了43至44年，2030年已50年，遠超當年設計，特別是機電設施的壽命，近數年來應要做大型維修都已暫停，因要花5億元但只可維持多兩年運作，維修保養費用更高。他又指舊廠處理污水需時17至20小時，而新廠只需一半時間，即約10小時。

身兼行政會議成員的議員陳克勤指今次申請撥款129億元已是第5次，第一次申請6億元，第二次20億元，第三次140億元，第四次31億元，頭頭尾尾合共328億元，已經十分昂貴，直言「之前政府有錢冇問題」，皆因釋放的土地可以作創科用途，長遠解決氣味問題，但現時財赤，有些工程不是急切性又不需要即刻做的話，推遲便可節省數百億元。

他說：「污水處理廠搬咗入山洞裏面，其實行政開支同管理開支係貴過依家好多倍，工程又貴，搬咗之後嘅行政開支又高，點解我哋要咁急去做這件事？想副局長解釋吓呢個工程有何急迫性？係咪可以唔做住，若果可以唔做住，就兩三年後先做喇，等我哋嘅財政好啲先喇！」

面對龐大財赤，政府削減不少津貼。議員梁熙指現時要迫切解決民生難題，偏偏在這個時候，政府卻打算撥出近130億元搬遷沙田污水處理廠到岩洞，而每年營運開支還要增加數億元，他指政府能否承諾不增加排污費，又指市民現時不會支持這個花費數百億元的工程，因為並不是迫切性的項目。

另一議員林琳亦質疑緊急性：「市民會覺得近排好多嘢加價，仲要使咁多錢，舊廠突然冧咗對市民影響喺邊度，（污水）處理量冇高到，但營運費高咗」，林智文說：「搬入岩洞對區內嘅環境好咗，兼且效率高咗，舊廠要超過5億元運作兩年續命，而設施新廠用唔到。至於風險，早前曾有氣味缸因老舊出現問題，好多臭味飄咗去馬鞍山造成滋擾問題，打個比喻，間廠舊好似老爺車可以行得，但唔知幾時會冧、跪低咗，到時超過70萬人生活於污水，有乜差池嘅話，可能啲污水未經處理就排出海。」

雖然相關申撥惹來了爭議，但多名議員反對煞停項目，工程界議員盧偉國指出「難得有共識千祈唔好因為赤字預算拖慢啲，唔好因為赤字預算而停晒所有需要投資未來嘅工程，赤字預算有乜可怕，經濟有高低起伏，經濟低潮正係政府要使錢。」

另一議員陳紹雄亦指在這階段煞停，日後工程費用或會攀升，雖然延遲兩三年因經濟差可能會降價，但沙田區居民便要繼續忍受臭味。小組委員會最終通過有關撥款申請，同時通過提交財務委員會進一步討論。

更多新聞，請瀏覽東方日報網頁：

http://orientaldaily.on.cc/

東網網站 : https://on.cc/東網Facebook專頁 : https://www.facebook.com/onccnews/