姚焯菲月中廣州開騷準備3變喊包　周吉佩想玩「插水」

「聲夢小花」姚焯菲昨晚（5日）和詹天文與合唱團合唱為慈善活動揭開序幕，聲夢歌手張馳豪、黃奕斌就聯同一班靚女藝人何沛珈、王嘉慧、邢慧敏、鞏姿希和楊梓瑤等行catwalk籌款；羅敏儀、張彥博和黃建東夾Band；以及《中年好聲音》歌手周吉佩、古淖文、譚輝智和黃博一起獻聲。

姚焯菲又跟前輩陳美齡合唱，表示面對前輩在綵排時有點緊張，大讚對方友善，又指導她做手勢動作。姚焯菲、詹天文和鍾柔美將於本月12日在廣州舉行《Time To CYA》音樂會，姚焯菲表示毋須要閉關，因為大家都很有默契。提到早前完成13場音樂劇《三．八》後變喊包，之後在廣州跟詹瑞文見面時又爆喊，問到今次開騷會否再三喊？她表示今次開一場音樂會，跟上次不同：「音樂劇由唔識到演出，完騷後好多情緒，好唔捨得，希望有Part2。」又指在廣州遇上詹瑞文是緣分，笑言：「廣州咁大都遇到，好黐線，係音樂劇完咗之後，第一個見番的人。」詹天文就表示早前曾客串演出音樂劇《我們的青春日誌》，透露獲導演讚學嘢快，將有機會演出另一個重要角色。

周吉佩（吉吉）透露下周在廣州開騷，近日勤做健身希望去水腫，表示有看Tyson Yoshi的演唱會片段，講笑想學周殷廷着大隻佬衫做騷，對「插水」跳落觀眾席的環節，原來吉吉都曾經幻想過，以前夾Band時就好想試，問會否在廣州音樂上嘗試「插水」，他表示不會，指廣州歌迷比較斯文，擔心會壓親大家。曾入圍《中年好聲音》100強的歌唱導師林俊一涉嫌非禮11名男性的案件近日開審，吉吉表示以前在歌唱比賽中經常碰面，參加《中年好聲音》海選時時才再次見面，他分享自己教學生的經驗，在一對一教學時，安裝閉路電視會保障雙方，所以沒有此情況發生。

昨晚擔任慈善節目主持的汪明荃，透露早前與阮浩棕為節目《帶阿姐看世界》遊歷摩洛哥，9日內走均全國，包括撒哈拉沙漠和博物館，抵受日間44度高溫，幾乎中暑，雖然旅程辛苦，不過感覺值得，覺得人生一定要去一次摩洛哥。她透露下一個拍檔就是老公羅家英，11月將會帶她到不丹，她說：「我未去過不丹，不丹被喻為幸福王國。（羅家英是旅行好伴？）佢鍾意講古仔，同佢旅行都好開心。（擔心佢又爆家事？）瑣碎事講嚟做乜！等你哋開心啫！」羅家英曾公開第4度患癌，確診再次患上前列腺癌的他，不打算接受電療及化療，豁達面對生死。問到羅家英現在身體情況？汪明荃指他沒有不適，現在內地巡演舞台劇，11月又會跟她排練粵劇《大鼻子情聖》及《戰宛城》，沒有要求羅家英多休息，她說：「佢鍾意就得，佢鍾意做嘢，佢唔工作都喺度玩！」又指他的病情發展很慢，相信未來會有新藥，會尊重對方的決定。另外提到周驄、雪妮與唐佳相繼離世，汪明荃初表示不欲多提，感到好難過和好傷心，她說:「3個都係認識幾10年朋友，我投資第一部電影《大搶特腸》，周驄做聯繫，3個都係好人，永遠懷念，唔捨得佢哋。」

東網網站 : https://on.cc/東網Facebook專頁 : https://www.facebook.com/onccnews/