郭富城「舞林密碼」勝出又拉頭馬 老婆忙湊女唔入場

郭富城喜事連連，上月中報喜太太方媛懷第三胎，今晚沙田馬場賽事，他名下的「舞林密碼」在第十場二班1200米勝出，城城又拉頭馬！今晚太太方媛與兩女兒沒有到場，城城稱兩個女放暑假，太太帶她們去玩所以沒有入場，他會致電向家人報喜。

城城稱今場贏馬要多謝練馬師方嘉柏部署得宜，「舞林密碼」今季全季保持正常出賽率，但去到季尾仍可保持好狀態，之前「舞林密碼」跑開1400米，今場縮程番1200米，搵番贏馬拍檔黃智弘減5磅上陣係好好的部署。「舞林密碼」去到季尾仍然咁弗，方嘉柏練得好好，馬兒雖然已經6歲，但練馬師話隻馬一直有進步，而且馬匹最緊要就係健康，愛駒一直保持健康，同自己作為藝人一樣要保持健康嘅體魄，在舞台上表現最好一面。

城城同時多謝黃智弘，自己一直都話要畀多啲機會華將，今場減5磅當然有優勢，但佢發揮好好，自己是馬主，熱愛賽馬，最近亦有留意黃智弘近期出賽表現好好，多謝對方騎出漂亮一仗。他也多謝一班馬迷一直支持，至於名下另一匹「舞林寶典」暫定會7月16日跑馬地煞科日出賽，他到時也會入場。

（即時娛樂）