ERROR帶埋ROVER去踢波｜阿Dee演狗血劇 遭肥仔揶揄無工開

ViuTV節目《ERROR帶埋ROVER去踢波》明晚（28日）播出新一集，ERROR、ROVER 連同賽馬會青少年足球領袖計劃兩位青少年領袖Chilam、Joseph，以及賽馬會學界足球發展計劃老師Alex和招Sir分別組成的3隊人馬，迎來最終回的足球比賽大激鬥。

在遊戲「馬騮搶球」中，3隊分別要用接力方法，鬥快將場中間的足球搶回自己陣地。各隊為勝出而出盡茅招，亨仔投訴：「希晉嗰隊好古惑，喺度阻住我攞波，仲要希晉一嘢釘鞋踩落我腳面囉﹗」怪難比賽一開始，亨仔便淒厲地慘叫：「好痛呀！」趁住這邊出現人釘人意外，肥仔在另一邊乘機大出茅招，用手取波之餘，還同時將其他足球轆向自己陣地。其他隊伍見狀紛紛效法，全場足球霎時轆來轆去。

Kim和193因不約而同地腰部受傷，所以193決定交由Chilam跑去搶波。對於193這個策略，入世未深的Chilam竟然大表認同：「三爺呢個戰術好成功，佢畀到好大信心我，令到我可以跑得更加快。」阿Dee則選擇跟Tim大演一場狗血劇，扮有義氣地極力阻止受傷的Kim去搶波，結果被肥仔揶揄。肥仔說︰「阿Dee呢排真係無乜工開，藉住呢個節目咁樣去搏取一個機會，我覺得佢係盡咗力㗎喇！」

之後的「頭槌轉幾圈」遊戲中，每人要輪流用頭槌頂足球，令足球轉圈。《肥Dee隊》搞笑和實力兼備。阿Dee以鳳凰不死鳥姿態強勁一頂，看似轉到兩個圈，但實際卻是偷偷用手頂球，結果被Foul收場。之後希晉就更加厲害，雙手交叉放在胸前，望也不望地一路向前衝，最後竟然連足球也觸不到。現場眾人看見無不大笑，連搞笑老手阿Dee亦甘拜下風：「點估到你咁搞笑！」肥仔以一招海獅頂球絕技加上鐵頭功，完美落地，成功令足球轉到兩個圈。

（即時娛樂）