【粉絲大整蠱】收「蘋果」手機打開實為朱古力 張敬軒：阿叔都呃真係無陰功

歌手張敬軒（軒仔）在社交網站上載一張iPhone手機盒照片，以為有粉絲花大手筆送手機給自己，非常感動，誰知原來被大整蠱！
軒仔留言講述「案情」，「呢單嘢直情要上警訊我話你知，話說我喺屋企清理上次簽名會fans送嘅禮物，跟住見到有部大iPhone，心入邊內疚咗好耐：（#鄧碧雲媽打腔）我啲歌迷成日都咁破費，搵個錢唔容易，真係有我心 #粒眼淚真係爭啲就跌出嚟 #跟着心諗（轉 #李司棋真情阿家腔）#司棋姐親自留言更正 #應該係善姨腔 既然人哋一番好意就唔好拒絕啦，啲電器擺得耐都會壞㗎！」
他打開手機盒，馬上感到晴天霹靂，直言被騙得很慘，更笑言下次買專輯時要放光酥餅進去，「我變咗隻澳洲樹熊 #唔_係啩 #金莎嚟嘅趙李 #下邊佢仲要加塊鐵板扮重 #仲要exac7ly啱size #我當堂轉周星馳tone #吖好嘢好嘢 #我話你知我班fans真係食腦㗎 #正所謂有仇不報非君子 #你哋班嘢你ting住下次買碟收隻光酥餅喇你哋 #對上呢句記得用黃韻詩tone #阿叔你哋都呃真係好冇陰功」！
不少圈中好友紛紛留言，何韻詩取笑軒仔是懵炳：「無咗封膠你都收，正懵炳。」，阿Sa就留言：「人哋花咁多心思嚟呃你 都呃得抵啦」。不少網民都留言取笑軒仔，有人笑指「有點嘅偶像就有點嘅fans」有人更笑言可能有更多驚喜，「你以為入面包住嗰粒真係金莎咁你就真係太天真」。