荃灣「榴槤千層始祖」沛公甜品結業 食客不捨18年老店：由細食到大｜路德圍食肆競爭激烈 呎租高達200元
千層熱潮起跌，始創店卻先行告別。被網民封為本港「榴槤千層班戟始祖」的沛公甜品，疑全線實體門市劃上句號。有街坊近日在荃灣路德圍總店門外見到手寫通告：「沛公要結業！做到22號要走啦！多謝各位街坊18年嘅支持！多謝！」該店已於昨日正式關門大吉。
閱讀更多：
灣仔「莎巴馬來西亞餐廳」明年2月結業｜通關後生意挫三成 獲蔡瀾、十年米芝蓮、馬國政府加持都撐唔住
沛公甜品2008年於荃灣起家，相比2010年代才爆紅的一眾千層班戟蛋糕「人龍」店，如連鎖的Lady M、旺角Lamlamli及觀塘Holam Bakery等，沛公才是「始祖」。沛公當年以「榴槤千層班戟」一炮而紅，首創將濃郁榴槤果肉夾入層層薄皮之間，被捧為香港千層蛋糕先驅。其後芒果千層、曲奇千層亦十分受歡迎，成為不少熟客的「Comfort Food」。全盛期曾進駐尖沙咀、旺角、銅鑼灣等旺區；不過自2015年起因租金高企，轉為經營商場「Pop-up store」快閃店為主，僅餘荃灣總店撐場，直至昨日宣告落幕；至於快閃店會否繼續經營，則仍為疑問。
消息一出，社交平台議論紛紛。有人不捨：「世界末日，真係由細食到大」、「曲奇千層最愛，邊度仲有咁抵食？」亦有人直言該店的出品已今非昔比：「近年成陣魚膠粉味」、「捱到18年都算奇蹟，以前真係好食，而家好普通。」「一間唔識整甜品嘅甜品店」、「咁嘅質素捱到咁多年都算係奇蹟」；亦有網民擔心品牌未來：「總店都執埋，靠Pop-up仲可以頂幾耐？」
沛公所處的路德圍，是荃灣市中心著名食街，食肆林立，人流暢旺但競爭激烈，租金壓力沉重，網上最新租務數據顯示，一個約592平方呎小食店地舖，最新成交為月租80,000元，呎租約135.1元；另有約200平方呎地舖放租，叫租每月40,000元。
想緊貼樓市最新動態，記得追蹤28Hse以下平台！
28Hse 網頁：https://www.28hse.com
YouTube：易發睇樓團 (https://www.youtube.com/@28hse_com)
Facebook：28hse.com (https://www.facebook.com/28Hse)