【美食地淘】高質薩摩牛壽喜燒直送到家

雖然晚市有機會月尾重開，不過肚子已經唔等得咁耐，所以決定喺屋企開大餐，訂咗呢個「極み」壽喜燒！（亦都係小妹嘅3月最愛！🙌🏻IG post有埋我開箱片！）

邊個話喺屋企食唔到高質牛壽喜燒嫁？
今次訂嘅套餐主角A5薩摩牛就係名為「4%奇跡」，最頂級嘅 A5+ 薩摩牛
光睇中牛肉雪花平均滿佈，已經😋😋

用牛脂燒紅鍋之後，放牛肉燒，香味瞬即飄出🤩！喜歡肉味濃嘅，小妹會建議食A5，肉質嫩滑，油香美味但喜歡嫩滑口感嘅，必選A5+，真的有入口即溶的感覺！如果可以黎個厚切版會更有口感呢！（🤭老闆可以來個超極み厚切版嗎？）

12片肉看似不多，但其實每一片都比手掌的大，再配埋再配埋野菜盛合、日本蛋、稻庭風烏冬，絕對是會吃得飽、食得滿足 ！雖然牛肉係主角，但配菜都絕不馬虎，蔬果新鮮；小妹特別推介流心芝士竹輪，咬個一刻芝士餡會爆出，正！仲有自家調配壽喜燒醬汁，唔洗加水就咁就用得，濃度味道都剛好！

雖說價錢並不算平，不過有時喺高級超市買嘅牛肉都未必有呢種級數。事隔一年再食，質素不但保持到，而且感覺比以前更高級精緻了！（包裝精美到可以用來送禮）舒舒服服送到家就可以享受到高質薩摩牛，間中豪一次都不錯啊！

最後要讚讚整個送貨服務。首先，基本上最快1日前就可以訂到，方便唔知幾時想同得閒食嘅客人即買即食。小妹後黎想加單，好快就收到客服回覆，亦能如期安排到。雖然無得指定送貨時間，不過送貨員半小時前就預先通知，很有禮貌而且仲送到上門，值得一讚！

肉屋 にく屋 Sukiyaki Specialist
推介度：❤🖤❤🖤❤🖤❤🖤
💰$1399/set

by 淘 (Follow @taltalsfooddating ~)

          View this post on Instagram                      

A post shared by 🍑TaL TaL's Food Dating (@taltalsfooddating)