黎耀祥工展會做店長兼拉票：落場比賽要有體育精神

黎耀祥今日（14日）為代言產品快閃現身工展會擔任店長，吸引不少粉絲幫襯又要求合照。祥仔為產品宣傳同時亦為自己競逐視帝拉票。《萬千星輝頒獎典禮2024》將於下月19日舉行，祥仔憑《巾幗梟雄之懸崖》的「柴十七」成為最佳男主角的大熱人選，有粉絲睇好他會破紀錄四度封視帝，令祥仔好開心。

祥仔說：「我好鍾意做呢類型活動，可能《巾幗》播完唔係好耐 ，大家見到會特別親切，我介紹下產品，推廣下，佢哋又幫襯下、講下睇劇… … 我都有把握機會代表《巾幗梟雄之懸崖》拉下票！」

問他有沒有信心成為首個四奪TVB視帝的藝人?他表示會以平常心面對：「講真一直對獎項都好佛系，觀眾對三個角色柴九、劉醒、大太監李連英都好鍾意，仲要有獎項去認可，已經破晒自己嘅紀錄，非常滿足。不過今日見到市民、街坊同你打氣時都有個諗法，覺得有份落場參加比賽，要有體育精神，所以我都好努力，叫大家鍾意就去投票支持下，始終每個獎項都係對台前幕後努力過嘅人一種肯定同鼓勵。」

（即時娛樂）