盧瀚霆談獨居生活自封「家務Lo」 盼36歲結婚 39歲當爸

MIRROR成員盧瀚霆（Anson Lo）昨天（29日）在《呂濤米Lo Seoul》見面會的遊戲環節上親自餵歌迷進食，又與隊友呂爵安和李駿傑即場煮辛辣即食麵，將他們在小組團綜裏的部隊鍋重現。愛吃即食麵的Anson Lo邊煮邊食，然後又分給歌迷。不過，當他想再食時竟發現麵食已被工作人員收走。Anson Lo愕然地問︰「咦？點解碗麵冇咗嘅？點解要收呀？未食晒㗎喎﹗仲有好多㗎裏面﹗唉，我暈喇﹗」Anson Lo隨即走到煮食鍋前看，發現鍋內已沒麵條後立即扁嘴及轉身。

他在活動上被問到10年後會在工作、家庭有何轉變時，坦言10年後的自己已經40歲，應該要生BB了。Anson Lo說︰「我未入行時，諗住26歲結婚、29歲生BB，所以依家已過晒，我諗變36歲結婚、39歲生BB。我估係咁，唔知呀，好難估到10年做到啲咩，我過去10年之中轉變好大，計劃嘅嘢係永遠都唔會實行到，或者計劃嘅嘢會變。如果跟住我個計劃，依家30歲應該仲係教緊跳舞，如果依家諗嘅話，我估實際上應該係未生BB嘅，呢10年都未生BB。」

Anson Lo稱現在雖然獨居，但家人也住在同一棟大廈內，因此父母每星期也會來幫忙執屋，他就要自己洗衫、洗碗、吸塵等。Anson Lo笑言獨居後覺得自己都幾叻︰「我獨居前未洗過衫，都係工人姐姐洗衫，所以係自己出嚟住之後，覺得原來洗衫咁易。我以前唔知洗衫發生咩事，以為掉晒啲衫入去。原來洗衫都係學問，唔同物料要分開，黑同白唔可以一齊洗。我係『家務Lo』﹗」

（即時娛樂）