港姐推遲截止報名日期　樂易玲何小慧飛多倫多揀蟀

《2025香港小姐競選》6月15日截止報名，今年大會以「Do You Wanna Be…」為招募主題，無綫助理總經理（藝員管理及發展）樂易玲和製作部高級經理（非戲劇製作）何小慧今日（5日）率領歷屆及應屆港姐見傳媒，呼籲靚女們把握最後機會。

至於港姐截止報名由原先6月1日延遲到15日，樂小姐解釋其實一早預了飛溫哥華和多倫多做海外佳麗面試，但因為之前工怍忙碌無法抽身，現預計8日先飛溫哥華，之後聯同何小慧14日飛多倫多，所以定15日截止報名最適合：「預計溫哥華會見約20個女仔，多倫多會見多啲，有啲年紀輕嘅會見埋父母。（因為香港質素差啲要飛去海外搵？）今次質素幾好，頭先畀手機裏面啲相畀佢哋（歷屆港姐）睇，個個嘩嘩聲，我話好彩你哋早參加咋。」

今次加拿大揀蟀，主要搵靚女外，亦會見一些後生仔，樂小姐舉例鄭衍峰和丁子朗便是從海外發掘得來，希望今年都有更多港姐以外的男仔收穫，樂小姐又指好像《聲秀》部分參加者有樣又唱得。另外被問到由宋本中執導的《反黑2》因資金問題停拍，曾嘗試搞眾籌資金亦告吹，樂小姐表示今日是港姐活動原本不欲回應，再三追問後，只吐了句：「都要畀機會宋本中搵其他投資方嘅！」但未有透露詳情。

東網網站 : https://on.cc/東網Facebook專頁 : https://www.facebook.com/onccnews/