肥媽拍片自爆珍藏首飾全是「朱義盛」 大讚中國「清一色偉大發明」

向來都拿開鑊鏟教人煮菜的肥媽（Maria Cordero），早前突然變身美妝KOL開直播教化妝，引來不少網民關注，近日肥媽再拍片公開自己的梳妝房，除了透露整間房都由老公親自設計外，更自爆所有首飾都是「朱義盛」，認真搞笑！

見到肥媽的梳妝房其中一個角落擺了一大排透明膠櫃飾物架，頸鍊、戒指、耳環全部都分門別類地整齊放好，而且大多是浮誇風格，認真不是人人都可以駕馭得到。期間肥媽自爆全部首飾原來都是購自淘寶的「朱義盛」：「你都癡線，咁多係真嘅我唔撈啦！你都傻傻哋嘅，偉大嘅發明嗰度攞返嚟㗎！幾正，你戴咗鬼知真定假咩！」之後又坦言自己所用的化妝用品如雙眼皮貼、假眼睫毛、化妝袋等同樣購先淘寶，更大讚「中國有多好」：「我哋中國人幾好呀，中國嘅偉大發明，清一色偉大發明，我以前唔係喺偉大發明買嗰陣時用幾鬼多錢呀！」不少網民看完肥媽的影片後都大讚她慳家！