熊本熊主題巴士　向阿蘇出發

由即日至9月30日嘅指定日子，熊本熊主題巴士會行駛肥後大津站與阿蘇站之間。（互聯網）

巴士內外例牌有熊本熊嘅裝飾。（互聯網）

熊本熊又有新嘢啦！今次係主題巴士，由即日至9月30日嘅指定日子，呢間巴士會行駛肥後大津站與阿蘇站之間，每日兩班來回，12點及3點半於肥後大津站出發，10點半及下午1點半從阿蘇站出發。大家想去阿蘇觀光的話，就有機會坐到呢間巴士啦，巴士內外都印滿熊本熊部長趣怪可愛嘅表情，等大家開開心心咁向阿蘇出發，不過記住喎，唔係日日有得坐架，留意時間表啦！