【有MV睇】古天樂再開金口！ 拍劉德華合唱《掃毒2》主題曲

去年古天樂開金口和謝安琪合唱《（一個男人）一個女人和浴室》，今年更獲叱咤樂壇流行榜頒獎典禮「我最喜愛的男歌手」。早前古天樂為下月上映的電影《掃毒2天地對決》再開金口，和劉德華合唱主題曲《兄弟不懷疑》，古仔更大讚華仔攞足一百分。

古天樂和劉德華首次合唱，可算是為音樂市場上注入新力量。古仔先笑言：「咁大件事？咁都好可歌可泣啦喎!唱歌我業餘嘅啫，唔好咁講。」華仔也笑說：「我都係業餘到而家！哈哈！諗番起對上一首剛陽味重嘅歌，都好多年前同偉仔嘅《無間道》，所以而家市場上都需要番啲男性嘅音樂同歌曲。」

古仔問華仔有冇聽過他啲歌，華仔即說：「有！我都聽過好多,但真真正正講個歌名出來真係幾難，哈哈哈！在錄音過程中，知道古仔會擔心自己做得唔好，但佢睇小咗自己，事實佢上佢做得好好！我幾鍾意佢唱『關係』嗰段，大家留意下！」如果要為對方評分，古仔說:「我一定係零分，而華哥就一百分！」

《掃毒2天地對決》故事講述雙雄之間的兄弟情，〈兄弟不懷疑〉的歌詞是出自監製及主角之一的劉德華手筆，他說:「寫嘅時候腦內畫面諗住同古仔之間嘅兄弟情、亦有我自己戲內同其他兄弟之間嘅兄弟情。其實份詞主要係想講，大家兄弟之間好客氣，有啲嘢一早講出來就冇事，但大家就係點都唔會講！最後就會懷疑大家，之前嘅感情就會變質。」古仔說：「佢地有俾份歌詞我睇，我第一個反應係：『唔好玩啦！我都唔識唱歌，點俾意見啫！』。」古仔表示錄音時，想著Ending那段在地鐵內嘅畫面令他很易投入。「十幾年嘅兄弟情，因為大家唔肯聽大家講野就冇咗。」

Text：機