芒草季節2021｜親子賞芒行山6大路線＋難度！大東山／飛鵝山／昂平 秋季限定
芒草打卡影靚相係秋季限定，以下推介幾個賞芒草好去處畀大家。最近，朝早多咗一份秋意，山友又係時候空群而出，登山去也！呢幾年流行去賞 芒草 ，除咗大東山之外，仲有邊啲地方可以睇到 芒草 呢？以下路線按難易度遞增，1星最易、5星最難，親子行山最緊要量力而為，安全至上！
原文刊於：Gotrip
–
6大賞芒草親子行山推介
- 大東山
- 飛鵝山
- 馬鞍山昂平
- 元朗南生圍
- 大嶼山老虎頭
- 粉嶺坪洋
–
1. 大東山：芒草大本營
賣點：都唔使點介紹，一到秋冬，行山群組每日都有人問點上大東山。無他，一望無際嘅 芒草 ，加埋爛頭營嘅石屋，絕對係香港出色靚景！注意，大東山 芒草 季每年由10月尾至11月頭才會出現，太早登山，芒草未算盛放。
路線：伯公坳 > 鳳鳯徑 >大東山頂 > 爛頭營 > 伯公坳
距離：6公里
需時：2小時 (單程上山計)
難度：3星 (5星最難)
注意：
・大東山山頂需離開鳳凰徑
・爛頭營石屋為私人產業，由義工定期維修，絕對不要破壞，不要爬上屋頂！
・近年媒體每逢介紹大東山，都會被山友譴責，究其原因，無非是因為登山者缺乏應有的責任、不顧登山禮儀的新手破壞並留下垃圾，在此再三呼籲大家登山前要做足準備，自己垃圾自己帶走！
回到目錄
–
2. 飛鵝山：市區勝地
賣點：市區都可以睇到靚景，仲想點？
路線：彩虹MTR > 彩雲邨 > 飛鵝山道 (石屎馬路上山) > 飛鵝山山頂 > 飛鵝山道 (落山) > 彩雲邨 > 彩虹MTR
距離：約5公里
需時：3小時
難度：1.5星 (5星最難)
注意：我都知私家車/的士可直達，不過行下山啦，條路好好行架。
回到目錄
–
3. 馬鞍山昂平：賞草兼有海景
賣點：遠望西貢無敵海景，坐足一個下晝都唔悶！
路線：耀安邨或錦英苑或搭的士到馬鞍山燒烤場，沿石屎路接麥理浩徑。 到達昂平後原路折返。
距離：約2公里 (單程，以燒烤場起步計)
需時：1.5小時 (單程上山計)
難度：1.5星 (5星最難)
注意：無乜嘢注意，記得唔好天黑先走！
除咗大東山之外，馬鞍山昂平亦都係另一個芒草盛開嘅地方。由馬鞍山郊遊徑入口開始行，指示牌上話只需要行半個鐘就去到昂平，不過記者實測，慢慢行嘅話，由入口行到昂平高原，都差唔多要一個鐘。
回到目錄
–
4. 元朗南生圍：水鄉風情
本來是郊遊、攝影熱點的南生圍，在2018年經歷了數次火災、河水乾旱，還有颱風山竹的摧殘，本來的美麗生態已大打折扣，變得滿目瘡痍！想不到地產商發展之前，這裡已經數度失守，如果有意前往，記得切勿留下火種！
路線：元朗MTR > 蠔州路 > 渡頭碼頭 > 南生圍 > 南生圍路 > 博愛醫院 > 元朗MTR
距離：7.5公里
需時：2小時
難度：1星 (5星最難)
回到目錄
–
5. 大嶼山老虎頭：日落意景
賣點：位於老虎頭郊遊俓，設備完善。中午過後去，仲有機會見到日落。
路線：愉景灣碼頭 > 愉景山道 > 愉景灣水塘 > 老虎頭郊遊徑 > 亞婆塱 > 白芒 > 東涌
距離：17公里
需時：5小時
難度：3星 (5星最難)
回到目錄
–
6. 粉嶺谷埔：北望蘆葦海
賣點：蘆葦海同紅樹混埋一齊，極有特色！
路線：鹿頸 > 雞谷樹下 > 鳳坑 > 谷埔 > 鳳坑 > 雞谷樹下 > 鹿頸
距離：14公里
需時：2.5小時
難度：1星 (5星最難)
回到目錄
常見問題：
問：行大東山需時幾耐？
答：需時2小時 (單程上山計)
問：大東山難唔難行？
答：難度為3星，5星最難。