呂爵安鍾雪瑩拍住上　不停謝票谷票房

男團MIRROR成員Edan（呂爵安）夥拍鍾雪瑩（阿雪）主演的賀歲片《金多寶》，上映以來票房一般，台前幕後卻相當齊心，不停跑戲院謝票，將大銀幕帶給觀眾的溫情歡樂延續到台下，望吸引更多人入戲院捧場。談到賀歲片文化，Edan不諱言希望能傳承下去：「以前我父母做嘢忙，放假大家又好攰，加上我好鍾意新年匿埋打機，所以冇一齊睇戲呢個習慣，諗番轉頭真係有啲可惜！」

今次劇情由阿雪忘記幫家人買六合彩結果中獎而開始。談到賭運，Edan不諱言：「自從日前宣傳向途人派六合彩利是，我開始都買嘞，得閒就買張飛，希望食住個勢中金多寶啦。咁過年都會同朋友打麻雀，小賭怡情，我嘅牌技OK，不過賭運只屬正常。」阿雪笑言：「咁我有啲抽獎運，試過新年聚餐抽到幾千蚊大獎，不過最後都決定拎番出嚟再抽過。」

談到若然「唔記得買六合彩」真的發生在自己身上會如何處理時，阿雪笑言：「如果只係自己唔記得買，惟有算數當冇事發生，但唔記得幫屋企人買，我會飛走（出埠），等到大家唔記得呢件事，哈哈！」Edan即補充說：「其實依家上網買咁方便，自己買啦，唔好假手於人，人哋好大責任㗎！」談到馬年展望，Edan表示：「依家市道唔好，好難開戲拍，梗係想愈來愈好，大家多啲工作機會啦。」性格樂天的阿雪則希望身邊人能夠搵到「自在」方法，不要為工作付出所有，搞到心力交瘁。

東網網站 : https://on.cc/東網Facebook專頁 : https://www.facebook.com/onccnews/