游嘉欣睇BLACK PINK騷自爆「未聽過」捱轟　本尊親自回應風波

韓國天團BLACK PINK早前來港開騷一票難求，其中無綫小花游嘉欣成功搶飛入場朝聖，並在社交網大晒打卡相及留言：「淨化眼睛，仲發現咗好多未聽過嘅歌」，卻因為一句「未聽過」引起誤會，惹來大批BLACK PINK粉絲圍插，質疑她不是粉絲，只為打卡才入場：「做吓功課啦」、「就係多得你呢啲跟風，搞到真正想睇嘅人買唔到飛」、「連歌都未聽過學人入去睇」等，另有網民亦力撐，指就算不是死忠粉絲也有權利買票入場，隨即爆發罵戰。

而游嘉欣亦親自回覆網友留言，指只是文字表達錯誤才引起誤會：「咁啱有緣睇到，回應吓先。其實我都追咗好耐，係有兩、三首表演嘅solo歌原來未聽過啫，今次聽完愛上埋啲solo歌」，又進一步解釋：「我就覺得只要你有欣賞嘅心同對表演者嘅熱誠，無論本身識幾多首歌去聽演唱會都絕對冇問題。重要嘅，係對表演嘅投入同尊重」。

東網網站 : https://on.cc/東網Facebook專頁 : https://www.facebook.com/onccnews/