林奕匡仔仔年初一發燒又嘔奶　緊急送院嚇親父母

歌手林奕匡（Phil）度過了最難忘的農曆年，皆因約歲半的兒子Darrien在大年初一時突然發燒又嘔奶，由於他和太太李靄璣（Rikko）屬新手爸媽，又驚又急下送BB睇急症，幸好只是腸胃炎，Darrien幾日後康復，兩夫妻終於可放下心頭大石。

Phil為幫太太減壓，就一家三口到嘉年華玩番晚，並在社交網上載照片及短片，留言：「我哋幾晚都好為佢（仔仔）擔心，感恩呢兩日佢好番好多，終於有番啲Energy去玩，同去感受新年氣氛。衷心祝福大家身體健康，笑口常開。」而Rikko見仔仔恢復健康，自己也充滿力量，變身「神射手」為愛兒掟罐贏得大公仔，成家人都開心笑。

另外，Rikko亦要投入工作，以策展人身份和前Super Girls成員Aka第四度合作舉行個人畫展，升呢成為新生代藝術家的Aka將於本月27日至3月22日在畫展上公開其全新作品。

東網網站 : https://on.cc/東網Facebook專頁 : https://www.facebook.com/onccnews/