王嘉爾剝Tyson Yoshi衫　爆粗：你有乜X嘢尷尬啫？

男神王嘉爾（Jackson）前日（10日）起在澳門舉行一連3場的演唱會，昨晚他的好友TysonYoshi有來捧場，他更拉Tyson上台，並要求對方即場剝衫，平日經常騷肌的Tyson，多次反抗亦未能成功，被夾硬脫去外套及背心，大晒爆肌身材，得逞後的Jackson興奮到跳起大叫，「Let’s Go！」Tyson惟有配合一齊跳。

Tyson跳了一會想趁台上人多混亂「偷走」，更拿住背心掩胸，但就被眼利的Jackson發現隨即追上來，用手箍實Tyson，阻止對方穿回背心，並大爆粗叫：「Tyson Yoshi！你咁X勁，講幾句吖！」令到平日言行大膽的Tyson都變得怕醜：「喂，Hi！大家好！」Jackson表示：「怕乜醜啫，再講過！」而Tyson亦穿回外套，並爆粗表示：「唔係呀，X，好X尷尬呀！」Jackson見到好友表現尷尬，搞笑說：「咁X大對波，你有乜X嘢尷尬啫？」講完之後，他跟Tyson攬了一下，表示：「搞到我真係唔敢除衫！」

另外，Jackson看到好友陳凱琳有來睇騷，他即過去打招呼，表示「公主都有來」，而陳凱琳亦表現尷尬，雙手合十致謝。

東網網站 : https://on.cc/東網Facebook專頁 : https://www.facebook.com/onccnews/