芯駖@COLLAR推新歌　為性感造型拍MV減肥

樂壇女子組合COLLAR成員Sumling(李芯駖)去年單飛出道，先後推出歌曲《SPYLING》與《讓思憶症發作》後，昨日再推出個人單曲《POSH》，歌曲以揸車為主題，配合跳唱、節奏澎湃的曲風，而今次特別之處，除了編舞上專誠邀請日本排舞師之外，MV造型更是單飛的三首歌之中，最性感一次。

Sumling直言今次歌曲十分特別，感覺像度身訂造，她說：「第一次聽首歌，就感覺好似揸車咁，因為我最近考完車牌，好想從揸車中帶出自己想法：『揸車對我嚟講係一件幾有趣嘅事，但點解我咁遲先考車呢？因為我覺得自己唔適合揸車，但其實學車師傅話我揸得幾好，原來我一直畀自己嘅恐懼打敗』，我想透過呢件事，反映日常生活有啲嘢，我哋係自己打敗自己，未試過就話唔得，但原來試咗之後係OK嘅。」

芯駖又大爆媽咪在家中長期loop她過去兩首作品，成為她的流量擔當，她說：「媽咪都有嚟睇我做舞台劇，佢睇完淨係話『你都好辛苦，冇得抖，打呢份工真係好辛苦』，媽咪最擔心都係子女健康。」

東網網站 : https://on.cc/東網Facebook專頁 : https://www.facebook.com/onccnews/